Sirna Awwaalchaa, kan Tawfiq Islamic Centerin Kennamu
Tawfiq Islamic Center Muslimtoota Oromootiif kanneen kutaa Minnesota kessa jiraataniif sirna awwaalchaa haraya banameen isaan gammachiisa.
Imammanni Bu’urri:
· Muslimoota Saba Oromoo kanneen Kutaa Minnesotaa keessa jiraataniif, bakka awwaalchaa kan sirnaan beekame argamsiisuu.
· Ba’aa baasii awwaalchaa irraa Muslimoota Oromoo walaba taasisuu,
· Hoggana Tawfiq Islamic Centerin jalatti sirna awwaalchaa gayaa kennuu.
Nama miseensummaa dideef, Tawfiq Islamic Center baasii baasee, Tajaajila Sirna Awwaalchaa hin kennu.
Baasiin:
- Warri maatii (family) galmeefamaaf $200, waggaa waggatti $120
- Ka maatii hin qabne (single) galmeeffamaaf $150, wagga waggatti $80
- Barattoota fi warri SSI argatan, galmeeffamaaf $100, waggaa waggatti $50
- Warri ‘Welfare’ argatan, galmeeffamaaf $50, waggaa waggatti $40
- Warra maatii (family) jechuun, haadha-warraa fi abbaa-warraa ijoollee isaanii kanneen umrii 18 gad jiran wajjiin jechuu dha. Haatahu malee, ijoolleen umrii sanii oliitis dalagaa ykn gargaarsa addatti yoo hin qabaatin akkuma irkataa maatii saniitti lakkaawaman. Soddaa fi soddatiin, yoo dalagaa yknis gargaarsa mootummaa addatti hin qabaatin, waarruma wajjiin jiraatan keessatti akka irkataa maatii saniitti lakkaawaman.
- Ka maatii hin qabne (single) jechuun, nama haadha-warraa ykn abbaa-warraa ykn itti-irkataa hin qabne ka dalagatee/dalagattee addatti if-dandayee/if-dandeettee jiraatu jechuu dha.
- Barattoota jechuun, haga tokko dalagataa ykn gargaarsa mootummaa argataa jarreen guutumatti barnoota hordofaa jiran jechuudha.
- Warra SSI aragtan jechuun, namoota gargaarsa Sooshaal Sakuuritii argatan jechuu dha.
- Warri ‘Welfare’ argatan jechuun, gargaarsa mootummaa ka irra gad diqqaa jarreen argatan jechuu dha.
Sagantaan Tajaajila Awwaalchaa ka Tawfiq Islamic Center hogganamu kun Muslimoota saba Oromoo kanneen Kutaa Minnesotaa keessa jiraatan mara ammata. (Guutummatti keessa baruuf Koree Tawfiq Islamic Center gaafadhaa).
- Miseensummaan waggaa waggatti haarayoomfama.
- Nama du’e biyyatti galchuun faallaa sagantaa kanaati
- Jiijjirama maatii keessatti argamu: fakk. Fuudhaa-heeruma, dalagaa argatanii addatti bawuu, godaanuu, irkataa tahiinsa jalaa bawuu, kkf Tawfiq Islamic Center beeysisuun dirqama miseensaati.
Koottaa Galmeeffamaa!!!
Muddee (December) 20, 2007 irraa haga May 30, 2008
Sababaa Namni galameefame lafa bituudhaaf gaya hin tahiniif jecha Tawfiq Islamic Ceneter guyya namni mayyi itti galmeefamu dheresse jira. Haga May 30, bara 2008tti
Odeeffannoo irra caalaa argatuuf: Tawfiq Islamic Center qunnamaa: bilbilli - 612- 588-1160 E-mail: info@tawfiqic.com
Copyright © 2006 Tawfiq Islamic Center All rights reserved
Home | Quran | Hadith | Lectures | Services | Activities | Donations | Contact us | Feedback